Settings mein jaao — Pehle apni Company ka naam, address, GSTIN, bank details fill karo. Ye ek baar fill karo, hamesha ke liye save rahega.

Customers Add Karo — Party ke naam, GSTIN, mobile ek baar save kar lo. Agli baar bill banate time ek tap mein fill ho jaayega.

Naya Bill Banao — Items, qty, rate daalo. GST automatic calculate hoga. Bill save karo — History mein milega.

Share Karo — Bill ko Image ya PDF banao, ya WhatsApp pe text message bhejo. Print karke PDF bhi save kar sakte ho.

Invoice Number Auto — Har bill ke baad number automatic badhta hai. Aap prefix bhi set kar sakte ho jaise INV/, TI/ etc.

Ye ek FREE app hai. Isme koi Sign In / Sign Up nahi hai. Aapka saara data — bills, customers, company details — sirf usi device mein save hota hai jisme ye app hai.

Doosre phone pe kaam nahi karega. Agar aap doosra phone use karo toh wahan sab kuch naya daalna padega. Data transfer nahi hota phones ke beech.

Phone format ya app delete = data delete. Agar phone reset karo ya app uninstall karo toh saara data permanently chala jaayega. Koi backup nahi milega.

Cloud backup, multi-device sync, aur data recovery jaise features ek alag BillBanao Premium app mein aayenge jo baad mein launch hogi. Abhi ke liye ye free app use karo.

Feedback dijiye! Agar aapko koi feature chahiye ya koi problem aaye toh Play Store pe review mein likhiye. Hum regularly app improve karte rehte hain.

Free App: BillBanao bilkul free hai use karne ke liye. App mein ads aate hain — yahi humari kamai ka zariya hai. Ads se app free rehti hai.

Data Privacy: Aapka koi bhi data — company details, customer info, bills — humare servers pe nahi jaata. Sab kuch sirf aapke phone mein rehta hai.

GST Accuracy: Ye app GST calculation mein help karti hai. Lekin aap apne CA ya tax advisor se verify zaroor karo. App kisi bhi tax liability ke liye responsible nahi hai.

App Updates: Hum samay samay pe app ko update karte rehte hain. New features, bug fixes aur improvements milte rahenge. Play Store feedback se aap humse seedha baat kar sakte ho.

Price Change: App abhi free hai. Bhavishya mein kuch features paid ho sakte hain — lekin pehle se notification diya jaayega. Basic billing features hamesha free rahenge.

Responsible Use: App ka use sirf legal business billing ke liye karein. Kisi bhi galat ya fraudulent billing ke liye app developer zimmedar nahi hoga.

Support: Koi problem ya suggestion ho toh Play Store review mein likhiye. Hum har feedback padhte hain aur next update mein dhyan dete hain.